Dzyudo bo‘yicha O‘zbekiston terma jamoasi a’zosi Abdullo Tangriyev Kuvaytda o‘tkazilayotgan Osiyo chempionatida oltin medalni qo‘lga kiritdi, deb xabar beradi “12news.uz”.
Pekin Olimpiadasida kumush medalga sazovor bo‘lgan Tangriyev 100 kilogrammdan ortiq vazn toifasida qirg‘izistonlik Yuriy Krakovetskiyni mag‘lub etdi va Osiyo chempioniga aylandi.
Eslatib o‘tamiz, Abdullo Tangriyev Janubiy Koreyada o‘tkazilgan XVII Osiyo o‘yinlarining bronza medali sovrindori hisoblanadi.
Bugun Osiyo chempionatining jamoaviy bahslari o‘tkaziladi.
O‘zbekiston terma jamoasining musobaqada qo‘lga kiritgan medallari soni 3 taga yetdi: bitta oltin, bitta kumush va bitta bronza.
Izoh (0)