АҚШ президенти Барак Обама 13 май, чоршанба куни Оқ уйда Форс кўрфази араб давлатлари ҳамкорлик кенгашидаги шериклари билан кечки овқат устида учрашади, дея хабар бермоқда ТАСС.
Ушбу саммитни чақириш ташаббуси билан Обама апрель бошида чиқиш қилган эди. Дастлаб Баҳрайн, Қатар, Кувайт, БАА, Уммон ва Саудия Арабистони етакчилари таклиф қилинган эди. Бироқ ўтган ҳафта охирида Саудия Арабистони ташқи ишлар вазирлиги қиролнинг бормаслигини маълум қилди.
Буни АҚШдаги баъзи ОАВлар Ар-Риёд томонидан АҚШнинг Эрон билан муносабатлари туфайли Обама маъмуриятидан норозилиги ҳақида берилган ишорага йўйди. Оқ уй эса бундай ишора берилган тақдирда ҳам, улар буни эшитмаганини таъкидлади.
Энди маълум бўлишича, саммитга фақат Қатар ва Кувайт амирлари келади, Баҳрайн, БАА Саудия Арабистони каби меросхўр шаҳзодаларни, Уммон бош вазир ўринбосарини юборади.
Изоҳ (0)