Milliy Olimpiya qo‘mitasi qoshida Respublika ilmiy-amaliy sport tibbiyoti markazi o‘z faoliyatini boshladi, deya xabar bermoqda “12news.uz”.
U Olmazor ko‘chasi, 6-uy manzilidagi yangi binoda joylashgan. U yerga zamonaviy yuqori texnologiyali va innovatsion tibbiy diagnostik laboratoriya va reabilitatsiya uskunalari o‘rnatilgan.
Bugungi kunda uskunalarni ishga tushirish va xodimlarni o‘qitish davom etmoqda. Markazning bo‘linmalari joriy yilning iyunidan ishlay boshlashi rejalashtirilmoqda.
Markaz unga biriktirilgan sportchilardan tashqari, barcha sportchilar va sport jamoalari, shuningdek respublika aholisi va chet el fuqarolariga tibbiy yordam ko‘rsatadi.
Tibbiy ko‘makni yuqori darajada tashkil etish uchun markazda ishlashga yuqori malakali xorijlik mutaxassislar jalb etiladi.
Izoh (0)