Футбол бўйича Ўзбекистон ёшлар термасининг ЖЧда иштирок этадиган таркиби эълон қилинди

11 май, душанба куни Ўзбекистон Футбол Федерацияси Президенти ҳузуридаги Мураббийлар Кенгашининг мажлиси бўлиб ўтди, деб хабар беради ЎФФ матбуот хизмати.

Мажлисда Ўзбекистон U-20 бош мураббийи Равшан Ҳайдаров сўз олиб, жамоасининг 30 май кунида бошланадиган мундиалга қай тарзда тайёргарлик кўргани ва бўлажак йиғинлар ҳақида маълумот берди.

Жаҳон чемпионатига тайёргарлик доирасида Ўзбекистон ёшлар терма жамоаси олтита ўқув-машғулот йиғинларини ўтказиб, унда 13 та ўртоқлик ва назорат учрашувлари ўтказди. Йиғинларга чақирилган 45 футболчидан 26 нафари танлаб олинди. Улардан 21 нафари ЖЧда иштирок этади, қолган 5 футболчи эса захира рўйхатига тушди.

Жаҳон чемпионатига тайёргарликнинг сўнгги босқичи 3 майда бошланди. Ушбу йиғиннинг биринчи босқичи 6 майгача давом этиб, унда Қирғизистон олимпия терма жамоаси билан куч синашилди ва 2:2 ҳисобидаги дуранг қайд этилди. Иккинчи босқич 11 майдан 20 майгача Тошкентда давом этади.

20 май куни Ўзбекистон ёшлар терма жамоаси Янги Зеландияга учиб кетади. 22 май куни жамоа Янги Зеландияга етиб боради.

U-20 ёшлар ўртасидаги жаҳон чемпионатида Ўзбекистон F гуруҳида Германия, Гондурас ва Фижи термаларига қарши баҳс олиб боради.

Қуйида Ўзбекистон U-20 терма жамоасининг 11–20 май кунларидаги йиғинига чақирилган ва жаҳон чемпионатига борадиган футболчилар рўйхатини келтириб ўтамиз.

Дарвозабонлар:Дилшод Ҳамроев («Қизилқум»)Ботирали Эргашев («Пахтакор»)Сарвар Каримов («Локомотив»)

Ҳимоячилар:Рустам Ашурматов («Бунёдкор»)Акромжон Комилов («Бунёдкор»)Аббосжон Отахонов («Пахтакор»)Иброҳим Абдуллаев («Пахтакор»)Нажмиддин Нормуродов («Насаф»)Одил Ҳамробеков («Насаф»)Достон Турсунов («Нефтьчи»)

Ярим ҳимоячилар:Жавоҳир Соҳибов («Пахтакор»)Жавоҳир Сиддиқов («Пахтакор»)Тимур Толипов («Пахтакор»)Отабек Шукуров («Бунёдкор»)Сардор Азимов («Бунёдкор»)Миржамол Қосимов («Бунёдкор»)Хуршид Ғиёсов («Бунёдкор»)

Ҳужумчилар:Достон Ҳамдамов («Бунёдкор»)Забихулло Ўринбоев («Бунёдкор»)Элдор Шомуродов («Бунёдкор»)Равшан Хурсанов («Пахтакор)

Захирадагилар:Дарвозабон: Шерзод Абдураимов («Цементчи»)Ҳимоячи: Эргаш Исмоилов («Бунёдкор»)Ярим ҳимоячи: Дониёр Нарзуллаев («Насаф»)Ҳужумчилар: Аслиддин Абдиев («Машъал»), Темур Усмонов («Локомотив»).