“Manchester Yunayted” rahbariyati o‘z o‘yinchilaridan vaqti-vaqti bilan klub homiysi tomonidin bepul berilgan Chevrolet mashinalaridan foydalanishni so‘radi, deb xabar qiladi “Manutd.ru”.
2015-yilning o‘zida Amerika konserni “Old Trafford”ga 15 ta mashina keltirdi. Ammo ulardan asosan klub xodimlari foydalandi, futbolchilar esa ancha qimmat turadigan mashinalarni minib yurdi.
“Avtomobil konserni barchaga bepul avtomobil bersa-yu, lekin undan hech kim foydalanmasa, bu beodoblik bo‘ladi. Endi yigitlardan ularni rulda suratga olishlari uchun vaqti-vaqti bilan Chevrolet’da yurib turishni so‘rashdi”, — dedi klub ichidagi nomini aytmagan manba.
Endilikda David De Xea, Jonni Evans, Xuan Mata, Antonio Valensiya va boshqa futbolchilar mashg‘ulot bazasiga Chevrolet avtomashinasida qatnayotganini ko‘rish mumkin.
Izoh (0)