Hindistonning BLK Super Speciality Hospital shifoxonasi va O‘zbekistonning Respublika shoshilinch tibbiy yordam ko‘rsatish ilmiy markazi hamkorlik to‘g‘risida memorandum imzoladi, deb xabar qiladi “Review.uz”.
Memorandum BLK Super Speciality Hospital direktori Naresh Kapur va Respublika shoshilinch tibbiy yordam ko‘rsatish ilmiy markazi bosh direktori Abduhakim Hojiboyev o‘rtasida imzolandi.
Ushbu kelishuv kelajakda hamkorlik asosida olib boriladigan loyiha va tadqiqotlarning boshlanishi bo‘ladi.
Bundan tashqari, imzolangan ushbu hujjat ikkala shifoxonaga talaba va shifokorlarni almashtirish dasturini tashkil qilishga imkon beradi. BLK Super Speciality Hospital shoshilinch tibbiy yordam ko‘rsatish bo‘yicha shifokorlarning ta’lim olishi va o‘z bilimlarini o‘stirishida ko‘mak beradi.
Naresh Kapur o‘zbekistonlik mutaxassislar uchun o‘quv dasturi ishlab chiqilishini ham ta’kidlab o‘tdi.
Izoh (0)