Ҳиндистоннинг BLK Super Speciality Hospital шифохонаси ва Ўзбекистоннинг Республика шошилинч тиббий ёрдам кўрсатиш илмий маркази ҳамкорлик тўғрисида меморандум имзолади, деб хабар қилади «Review.uz».
Memoрандум BLK Super Speciality Hospital директори Нареш Капур ва Республика шошилинч тиббий ёрдам кўрсатиш илмий маркази бош директори Абдуҳаким Ҳожибоев ўртасида имзоланди.
Ушбу келишув келажакда ҳамкорлик асосида олиб бориладиган лойиҳа ва тадқиқотларнинг бошланиши бўлади.
Бундан ташқари, имзоланган ушбу ҳужжат иккала шифохонага талаба ва шифокорларни алмаштириш дастурини ташкил қилишга имкон беради. BLK Super Speciality Hospital шошилинч тиббий ёрдам кўрсатиш бўйича шифокорларнинг таълим олиши ва ўз билимларини ўстиришида кўмак беради.
Нареш Капур ўзбекистонлик мутахассислар учун ўқув дастури ишлаб чиқилишини ҳам таъкидлаб ўтди.
Изоҳ (0)