Korea Telecom (KT) O‘zbekistonda elektr energiyasi hisob-kitobi tizimini modernizatsiya qilish bo‘yicha loyihani amalga oshiradi, deya xabar bermoqda “Gazeta.uz” Yonhap agentligiga tayanib.
101 million dollarlik tegishli shartnoma Janubiy Koreya korporatsiyasi va “O‘zbekenergo” Davlat aksiyadorlik kompaniyasi o‘rtasida imzolandi.
“Loyiha doirasida KT elektr energiyasini hisob-kitob qilishning “aqlli” yechimlarini joriy etadi, ular energiyaning foydalanuvchilar tomonidan iste’mol qilinishi tendensiyalarini tahlil qilish va nazorat samaradorligini oshirish imkonini beradi.
Ikki yarim yil davom etadigan loyiha Osiyo taraqqiyot banki ko‘magida amalga oshirilmoqda. U O‘zbekistondagi 1 millionta uy xo‘jaliklarini qamrab olishi kutilmoqda.
Izoh (0)