Қоҳира суди Миср собиқ президенти Ҳусни Муборак ва унинг икки ўғлини коррупция билан боғлиқ жиноятлари туфайли 9 май куни қамоқ жазосига ҳукм қилди, деб хабар беради «РИА Новости».
Миср суди 4 апрель куни собиқ президент Ҳусни Муборак ва унинг ўғиллари айбланаётган сўнгги иш – коррупция ишини қайта кўриб чиқишни бошлаганди.
Миср кассация суди январь ойида олдинроқ Муборак ва унинг икки ўғлига нисбатан чиқарилган ҳукмни бекор қилиб, бюджет маблағларини ўзлаштириш бўйича янги суд иши тайинланиши ҳақида қарор қилганди. Матбуотда бу иш «саройлар иши» номини олди.
Ҳусни Муборак ва унинг ўғиллари Миср бюджетидан мамлакат раҳбари саройини таъмирлаш ва реставрация қилишга ажратилган 125 миллион Миср фунти (тахминан 18 миллион доллар)ни ўзлаштириб олган. Айбловчи томон пуллар собиқ президент оиласининг шахсий уй ва офисларини қуришга сарфланганини таъкидлаган.
Ушбу иш бўйича айбдор деб топилган Муборак 3 йилга, унинг ўғиллари эса 4 йилга озодликдан маҳрум қилинди.
Изоҳ (0)