“Real” klubi va Portugaliya terma jamoasi hujumchisi Krishtianu Ronaldu reklama aksiyalaridan birida unga portugal tilida savol bergan yaponiyalik bolani qo‘llab-quvvatladi, deb xabar beradi The Independent.
Bolakay o‘yinchining qarshisiga o‘tirdi va qog‘ozda yozilgan savolni o‘qishga tushdi. Uning yomon talaffuzi zalda o‘tirganlarda kulgu uyg‘otdi, ammo Ronaldu vazminlikni yo‘qotmadi.
“Nima uchun ular kulishyapti? U portugalchada yaxshi gapiryapti, hech bo‘lmasa buning uchun harakat qilyapti”, — deb futbolchi tadbir boshlovchilariga yuzlandi. Uning so‘zlarini yig‘ilganlar qarsaklar bilan qarshi oldi.
https://youtu.be/M2PwPpQoBB4
Eslatib o‘tamiz, aprel oxirida Ronaldu o‘z zarbasidan jabrlangan bolaga futbolkasini sovg‘a qilgandi.
Bundan tashqari, Krishtianu Ronaldu italiyalik muxlisasining xursandchilikdan ho‘ng-ho‘ng yig‘lashiga sababchi bo‘ldi.
Izoh (0)