Ispaniyaning “Real” jamoasi Forbes jurnali tomonidan e’lon qilingan dunyoning eng qimmat futbol klublari ro‘yxatida yana birinchi o‘rinni egalladi, deb xabar qiladi “Championat.com”.
Jamoa ketma-ket uchinchi marta jahonning eng qimmat futbol klubiga aylandi. “Qirollik klubi” jurnal tomonidan 3,26 milliard dollarga baholangan. Madridliklarning daromadi 746 million dollarni tashkil etdi va o‘tgan yilgi ko‘rsatkichga nisbatan 5 foiz pastladi.
“Barselona” jamoasi xuddi bir yil oldingidek ikkinchi o‘rinni egalladi, “Manchester Yunayted” esa uchinchi bo‘ldi.
Dastlabki yigirmatalikka kirgan jamoalarning o‘rtacha bahosi 1,16 milliard dollarga teng. Bu o‘tgan yilgi ko‘rsatkichga qaraganda 11 foizga ko‘p deganidir. Yigirmatalik ro‘yxatga Angliya Premyer-ligasidan 8 ta, Italiyadan 4 ta va Germaniyadan 3 ta klub kiritildi.
Forbes talqini bo‘yicha dunyoning eng qimmat 10 klubi ro‘yxati quyidagicha ko‘rinish olgan:
1. “Real” — 3,26 mlrd dollar2. “Barselona” — 3,16 mlrd3. “Manchester Yunayted” — 3,1 mlrd4. “Bavariya” — 2,35 mlrd5. “Manchester Siti” — 1,38 mlrd6. “Chelsi” — 1,37 mlrd7. “Arsenal” — 1,31 mlrd8. “Liverpul” — 0,98 mlrd9. “Yuventus” — 0,84 mlrd10. “Milan” — 0,76 mlrd
Izoh (0)