Корея Республикаси аввалроқ Пхеньянга Кореялараро музокаралар бошланишига дастлабки шарт сифатида жорий этган санкцияларини бекор қилмоқчи эмас. Бу ҳақда Кореянинг бирлашув ишлари бўйича вазирлиги расмий вакили маълум қилди, деб ёзади ТАСС.
«Шимолий Кореянинг ўзига қарши бир томонлама тартибда киритилган санкцияларни бекор қилиш ва шундан кейингина музокараларни бошлаш талаби бизга номақбул», — дея таъкидлади у.
Эслатиб ўтамиз, аввалроқ КХДР Сеулдан 2010 йили Жанубий Кореянинг «Чхонан» корвети ҳалокатга учраганидан сўнг Пхеньянга нисбатан жорий этилган «24 май» санкция чораларини бекор қилишни талаб этган эди.
Аризада таъкидланишича, Пхеньян «КХДР алоқадор бўлмаган ушбу ҳодиса юзасидан узр сўраш нияти йўқ». «Агар Сеул ‘24 май’ чораларини сақлаб қолиш устида қатъий туриб олса, КРнинг ҳозирги ҳукумати ҳам Ли Мён Бак каби Корея халқи хоинлари деб ҳисобланади», — дея огоҳлантирди қўмита вакили.
2010 йил 24 май куни Корея республикасининг ўша вақтдаги президенти Ли Мён Бак КХДР «Чхонан» корвети чўкиб кетгани юзасидан айбни ўз бўйнига олмагани учун Шимол ва Жануб ўртасидаги ҳар қандай ҳамкорлик шаклини тақиқловчи чораларни киритган эди.
Изоҳ (0)