Fransiyaning Alp tog‘larida halokatga uchragan Airbus A320 samolyotining ikkinchi uchuvchisi o‘tgan reys davomida bir necha daqiqa balandlikni pasaytirish manyovrini amalga oshirgan. Ekspertlar fikricha, bunga hech qanday sabab bo‘lmagan, deb yozadi Meduza.
Halokat tergoviga yaqin bo‘lgan manbalar xabariga ko‘ra, Lyubits A320 qulagan kuni amalga oshirilgan Dyusseldorf—Barselona reysi chog‘ida samolyotni yerga yo‘naltirishni “mashq qilgan”.
Eslatib o‘tamiz, 24-mart kuni Fransiya janubida, Nitsadan shimolroqdagi Din-le-Ben manzilgohida Germanwings aviakompaniyasining Barselonadan Dyusseldorfga parvoz qilayotgan Airbus A320 layneri halokatga uchragan edi.
A320ning ikkinchi “qora qutisi” ma’lumotlari ikkinchi uchuvchi Andreas Lyubits samolyotni qasddan yer tomon yo‘naltirgani ko‘rsatdi.
Keyinroq ma’lum bo‘ldiki, Lyubits kabinaga kirish eshigini qulflagan, qulf parolini esa o‘zgartirgan va, katta ehtimol bilan, samolyot avtopilotini erkin qulash rejimiga sozlab qo‘ygan.
Biroq uchuvchi o‘z xatti-harakatlarini oldindan rejalashtirganini tasdiqlovchi dalillar yo‘q edi. Agar o‘tgan reysda pastlashni mashq qilgani haqidagi ma’lumot tasdiqlansa, Lyubitsga nisbatan ayblov qayta ko‘rib chiqiladi.
Izoh (0)