Missionerlik va aqidaparastlik jinoiy javobgarlikka sabab bo‘ladigan jinoyatlardir. O‘zbekiston Jinoyat kodeksiga muvofiq, ushbu qonunga zid harakatlarni amalga oshirganlik uchun ba’zi holatlarda voyaga yetmaganlar ham javobgarlikka tortilishi mumkin.
12news.uz’ning xabar berishicha, bu haqda Respublika Ma’naviyat targ‘ibot markazi bo‘lim boshlig‘i Gulchehra Matkarimova Nurota ijtimoiy iqtisodiy kolleji o‘quvchilari bilan uchrashuvda aytib o‘tgan.
“O‘g‘il va qizlarning axloq darajasi va ruhiy chidamliligi qanchalik yuqori bo‘lsa, ularning aksariyat hollarda aqidaparastlar bilan aloqador bo‘lgan turli missionerlik tashkilotlari vakillari tomonidan “og‘dirilishi” ehtimoli ham shunchalik past bo‘ladi. O‘smirlarni shu yo‘nalishda tarbiyalash – ta’lim muassasalari ma’naviyat o‘qituvchilarining, eng avvalo, oilaning vazifasidir”, - deb hisoblaydi Matkarimova.
Kuni kecha O‘zbekiston Bosh prokuraturasida “Kamolot” YOIH, Oliy va o‘rta maxsus ta’lim vazirligi, Toshkent davlat yuridik universiteti bilan hamkorlikda “Yoshlarni axborot xurujlaridan himoya qilish masalalari” mavzusida ilmiy-amaliy anjuman bo‘lib o‘tdi.
Konferensiyada yoshlarni ma’naviy tahdid va axborot xurujlaridan himoya qilish, “ommaviy madaniyat”, Internet tarmog‘i va OAVning milliy mentalitetga yot bo‘lgan salbiy ta’sirlarini bartaraf etishning huquqiy, tashkiliy-texnikaviy va iqtisodiy uslublarini kompleks tatbiq etish masalalari muhokama qilindi.
Izoh (0)