Toshkentdagi “Kinoprom” kinokompaniyasining suratga olish pavilonida 28-aprel kuni kino, sport va shou-biznes yulduzlari yig‘ilishdi. Bu haqda PR.uz xabar bermoqda.
Bunday yulduzlar guruhi O‘zbekiston Sog‘liqni saqlash vazirligi va YUNISЕFning “O‘zbekistonda onalik va bolalikni muhofaza qilish xizmatlarini takomillashtirish” dasturi doirasidagi ijtimoiy reklama roliklarini suratga olish ishlarida qatnashdi.
Sog‘lom turmush tarzi, onalik va bolalik muhofazasi, bolaning erta rivojlantirish, gigiyena, ko‘krak suti bilan oziqlantirish va boshqalarning targ‘ibotiga bag‘ishlangan ushbu loyihada barcha yulduzlar zavq bilan ishtirok etishdi.
Loyiha doirasida suratga olingan reklama roliklarining ilk namoyishi 1 iyun – Bolalarni himoya qilish xalqaro kuni bo‘lib o‘tishi kutilmoqda. Aholining yanada kengroq qatlamlarini qamrab olish maqsadida reklama roliklari qoraqalpoq va ingliz tillariga ham tarjima qilinadi.
Izoh (0)