Toshkent shahrida tashkil etilgan “Hordiq olami-2015” sayyohlik ko‘rgazmasi doirasida “Ipak yo‘li ta’mi” milliy taomlar festivali bo‘lib o‘tdi. Bu haqda 12news.uz xabar bermoqda.
Festival palov, manti, somsa, lag‘mon va boshqa ko‘plab o‘zbek milliy taomlarini tayyorlash bo‘yicha an’ana va o‘ziga xosliklarni namoyish etish maqsadida tashkil etildi.
Festival doirasida O‘zbekistonning turli hududlaridagi eng yaxshi restoranlarning bosh oshpazlari va individual oshpazlar to‘y oshi, samarqandcha, toshkentcha, farg‘onacha, andijoncha, buxorocha, chustcha, qashqadaryocha, surxondaryocha, turkcha o‘nlab turdagi palovlarni tayyorlashdi.
Festival yakunlari bo‘yicha barcha ishtirokchilarga, xususan, Toshkentdagi April, Tarona, Grand Mir, Chay-Poy, Assalomu alaykum, Buxorodagi “Labi Hovuz”, Marg‘ilondagi “Uyg‘ur lazzatli taomlari” va boshqalarga sertifikatlar topshirildi.
Izoh (0)