Britaniyaning mashhur The Sunday Times nashri dunyoning yirik saxovatpesha (filantrop)lari reytingini e’lon qildi. Unga rossiyalik biznesmenlar Alisher Usmonov va Roman Abramovich ham kiritildi.
Nashr ma’lumotlariga ko‘ra, Usmonov 2014-yilda xayriya maqsadlariga 71,2 million funt sterling (108 million dollar) sarflagan. Oligarxning aktivlari qiymati 9,8 milliard funtga baholanmoqda. USM Holdings kompaniyasi aksiyadori reytingning sakkizinchi pog‘onasiga joylashdi va eng yirik rossiyalik filantrop bo‘ldi.
O‘tgan yili 45,8 million funt sterling mablag‘ini xayriyaga yo‘naltirgan Roman Abramovich esa 13-o‘rinni egalladi.
Reytingda supermarketlar tarmog‘i egadoshi Lord Seynsberi yetakchilik qildi. Nashr hisob-kitoblariga ko‘ra, u xayriya uchun 203,2 million funt (309,4 million dollar) sarflagan.
Izoh (0)