Қозоғистон президенти Нурсултон Назарбоев 29 апрель, чоршанба куни парламент мажлиси фракцияси раҳбарлари билан учрашув ўтказди, деб хабар қилади «Nur.kz».
Қозоғистон президенти ўз лавозимига киришганидан сўнг конституцияга кўра, мамлакат ҳукумати, президентга бевосита бўйсунувчи ва ҳисоб берувчи давлат идоралари раҳбарлари, Остона, Олма-ота шаҳарлари ва вилоят ҳокимлари истеъфога чиқди.
Давлат раҳбари мамлакат олдига қўйилган вазифаларни амалга оширишнинг заруратини ҳисобга олиб, ҳукумат бошлаган ишини давом эттириши лозимлигини таъкидлаб ўтди. Шу сабабли Қозоғистон президенти ҳукумат ва парламентнинг ўзаро уйғунликда ишлаши муҳимлигини қайд этган ҳолда бош вазир лавозимига Карим Масимов номзодини таклиф қилди.
«Халқ коммунистлари» фракцияси раҳбари Косарев, « Ак жол» Қозоғистон Демократик партияси фракцияси раҳбари Перуашев ва «Нур Отан» фракцияси раҳбари Дарига Назарбоева Масимовнинг номзодини қўллаб-қувватлади.
Ҳозирги ҳукуматнинг таркиби 2014 йилнинг апрелида тузилганди. Карим Масимов 2014 йил 2 апрелда бош вазир этиб тайинланганди.
Изоҳ (0)