Checheniston rahbari Ramzan Qodirov Rossiya ichki ishlar vazirligining Checheniston harbiylari yakshanba kuni Grozniyda o‘tkazilgan maxsus operatsiya haqida xabardor etilgani haqidagi bayonoti yuzasidan taajjub bildirdi, deb yozadi “TASS”.
“Bu taajjubni keltirib chiqaradi, chunki boshidan oxirigacha haqiqatga to‘g‘ri kelmaydi, — deyiladi Qodirov bayonotida. — Shunisi aniq ma’lumki, o‘tkaziladigan operatsiya haqida yozma, og‘zaki ravishda yoki telefon orqali IIVning Checheniston bo‘yicha bo‘limlari rahbariyatidan hech kim ogohlantirilmadi. Va, buning ustiga, xodimlardan hech biri ushbu tadbirlarda qatnashmadi”.
Nashrning eslatishicha, 19-aprel, yakshanba kuni Stavropol politsiyachilari o‘zlarining hududidagi fuqaroga qarata o‘q uzganlikda gumonlanuvchi shaxsni qo‘lga olish uchun Chechenistonga kelgan edi.
Izoh (0)