Qozog‘iston prezidenti ta’lim va fan vazirligiga madaniyat va sport vazirligi bilan hamkorlikda Qozog‘istonda uch tilli: qozoq, rus va ingliz tillaridagi ta’limga o‘tish bo‘yicha yo‘l xaritasini tuzishni topshirdi, deb yozadi “Nur.kz”.
“Biz uch tillilikni joriy qilish sur’atlarini o‘stirmoqdamiz. Bu uydirma emas, bu kimningdir xohishi emas, balki zaruratdir. Qozog‘istonliklarning 20 foizi ingliz tilini allaqachon biladi, uch tilni bilish — global hayotga yo‘llanma, insonning hayotdagi muvaffaqiyatliligi tamoyili. Global dunyoda farzandlarimiz sayyora fuqarolari bo‘ladi — ular har yerda ishlashiga to‘g‘ri keladi, va ular bu murakkab hayotda o‘zlarini suvdagi baliqdek his qilishi kerak”, — dedi prezident.
Nazarboyev ta’kidlashicha, yangi ilmiy va boshqa kitoblar qozoqchada emas, inglizchada chop qilinishda davom etmoqda. Shu tufayli, uning fikricha, yangi bilimlarga ega bo‘lish imkoniyati uchun qozog‘istonliklar ingliz tilini bilishi zarur.
Izoh (0)