Қозоғистон президенти таълим ва фан вазирлигига маданият ва спорт вазирлиги билан ҳамкорликда Қозоғистонда уч тилли: қозоқ, рус ва инглиз тилларидаги таълимга ўтиш бўйича йўл харитасини тузишни топширди, деб ёзади «Nur.kz».
«Биз уч тиллиликни жорий қилиш суръатларини ўстирмоқдамиз. Бу уйдирма эмас, бу кимнингдир хоҳиши эмас, балки заруратдир. Қозоғистонликларнинг 20 фоизи инглиз тилини аллақачон билади, уч тилни билиш — глобал ҳаётга йўлланма, инсоннинг ҳаётдаги муваффақиятлилиги тамойили. Глобал дунёда фарзандларимиз сайёра фуқаролари бўлади — улар ҳар ерда ишлашига тўғри келади, ва улар бу мураккаб ҳаётда ўзларини сувдаги балиқдек ҳис қилиши керак», — деди президент.
Назарбоев таъкидлашича, янги илмий ва бошқа китоблар қозоқчада эмас, инглизчада чоп қилинишда давом этмоқда. Шу туфайли, унинг фикрича, янги билимларга эга бўлиш имконияти учун қозоғистонликлар инглиз тилини билиши зарур.
Изоҳ (0)