Rossiyaning Krasnoyarsk shahri tergovchilari bir erkakning to‘qqiz qavatli uy tomidan tushib ketgani yuzasidan tekshiruv olib borishmoqda. Bu haqda Rossiya Tergov qo‘mitasining Krasnoyarsk o‘lkasi bo‘yicha bosh boshqarmasi saytida xabar berilgan.
“Tomdan qulagan erkak uy oldida to‘xtab turgan avtomobil yukxonasi ustiga tushgan – aynan shu holat uning hayotini saqlab qolgan. Bir qator jarohatlar olgan bu shaxs kasalxonaga yotqizilgan”, - deyiladi xabarda.
Tergovchilar taxminicha, krasnoyarsklik erkak shu yo‘l bilan o‘zini o‘ldirmoqchi bo‘lgan. Ma’lum bo‘lishicha, u 2006-yili ko‘prikdan sakrab, hayot bilan vidolashmoqchi bo‘lgan, ammo o‘shanda ham omon qolgan.
Dastlabki ma’lumotlarga ko‘ra, jabrlanuvchi giyohvand moddalarni muntazam ravishda iste’mol qilib turadi.
Izoh (0)