Россиянинг Красноярск шаҳри терговчилари бир эркакнинг тўққиз қаватли уй томидан тушиб кетгани юзасидан текширув олиб боришмоқда. Бу ҳақда Россия Тергов қўмитасининг Красноярск ўлкаси бўйича бош бошқармаси сайтида хабар берилган.
«Томдан қулаган эркак уй олдида тўхтаб турган автомобиль юкхонаси устига тушган – айнан шу ҳолат унинг ҳаётини сақлаб қолган. Бир қатор жароҳатлар олган бу шахс касалхонага ётқизилган», - дейилади хабарда.
Терговчилар тахминича, красноярсклик эркак шу йўл билан ўзини ўлдирмоқчи бўлган. Маълум бўлишича, у 2006 йили кўприкдан сакраб, ҳаёт билан видолашмоқчи бўлган, аммо ўшанда ҳам омон қолган.
Дастлабки маълумотларга кўра, жабрланувчи гиёҳванд моддаларни мунтазам равишда истеъмол қилиб туради.
Изоҳ (0)