Rossiya prezidenti Vladimir Putinning matbuot kotibi Dmitriy Peskov so‘zlariga ko‘ra, G‘arb mamlakatlari tomonidan Ukrainaga harbiy yo‘riqchilar va mutaxassislarning jo‘natilishi mavjud vaziyatni jiddiy beqarorlashtirishi mumkin. Bu haqda “Korrespondent.net” xabar bermoqda.
“Albatta, Ukrainada uchinchi mamlakatlarning yo‘riqchilari, mutaxassislari yoki harbiy xizmatchilari bo‘lishi nizoning barham topishiga, kelishuvlarni amalga oshirishga imkon beradigan maqbul muhit yuzaga kelishiga yordam bermaydi, aksincha, vaziyatni jiddiy beqarorlashtirishi mumkin”, - dedi Peskov.
Avvalroq AQSH armiyasining 173-brigadasi desantchilari ukrainalik harbiy xizmatchilarga mashg‘ulot o‘tish uchun Ukrainaga kelgani ma’lum bo‘lgandi.
Eslatib o‘tamiz, bir muddat avval AQSH Kongressi mamlakat prezidenti Barak Obamani Ukrainaga qurol-yarog‘ jo‘natishga chorlovchi rezolyutsiyani qabul qilgandi. Ushbu hujjatni 348 nafar kongressmen ma’qullagan, 48 nafari qarshi chiqqan.
Izoh (0)