Daniya qirolichasi Margrete II bugun, 16-aprel kuni 75 yoshni qarshi oldi, deya xabar bermoqda “RIA Novosti”. Yoshi ancha ulug‘ bo‘lib qolganiga qaramay, u taxtni va davlat rahbari lavozimini tark etishni hozircha rejalashtirmayapti.
Qirolicha jurnalistlarga ko‘p bora o‘z burchini umrining oxirigacha bajarishini aytgan.
Qirol Frederik IX va qirolicha Ingridning to‘ng‘ich qizi Margrete II Kopengagenda 1940-yil 16-aprelda tug‘ilgan. U taxtni 40 yildan oshiqroq vaqt davomida — 1972-yil 14-yanvaridan buyon egallab kelmoqda.
“Menda yosh bilan bog‘liq muammolar yo‘q, — dedi Margrete II yubiley oldidan jurnalistlar bilan tashkil qilingan uchrashuvda. — Keksayish turli tajribalar orttirish ham demakdir”.
Izoh (0)