Amerikaning Gravity Payments kompaniyasi rahbari va asoschisi Den Prays o‘zining yillik maoshini 93 foizga — 1 million dollardan 70 ming dollargacha kamaytirdi va qo‘li ostidagilarning oyligini ko‘paytirdi. Bu haqda Huffington Post xabar berdi.
Bungacha 30 yoshli Praysning ishchilari yiliga o‘rtacha 48 ming dollardan olgan. Tadbirkor xodimlarning barchasiga 70 ming dollarlik maosh belgiladi.
Praysning aytishicha, ishchilarning qiyin moliyaviy sharoitdan nolishlari uning joniga tekkan. Bundan tashqari, u ortiqcha pul baxt olib kelmasa-da, uning yetishmasligi baxtsizlikka sabab bo‘lishi haqidagi maqolani o‘qigan. Ushbu maqola mualliflari fikrlariga ko‘ra, hayotdan qoniqish hissini tuyish uchun yiliga taxminan 70 ming dollar miqdoridagi maosh yetarli bo‘ladi.
Izoh (0)