Rossiya prezidenti Vladimir Putin daromadlari 2014-yilda undan oldingi yilga nisbatan ikki marta oshdi. Kreml saytiga joylangan daromadlar to‘g‘risidagi deklaratsiyada aytilishicha, o‘tgan yil ichida prezident 7,654 million rubl ishlagan, 2013-yilda esa ushbu ko‘rsatkich 3,6 million rublga teng bo‘lgan.
Davlat rahbariga tegishli ko‘chmas mulk haqidagi bandda yer uchastkasi, garaj va 77 kvadrat metr maydonga ega kvartira ko‘rsatilgan. Bundan tashqari, Putinning uchta avtomobili: GAZ M21, GAZ M-21-R, “Niva” hamda “Skif” pritsepi deklaratsiya qilingan.
Hukumat a’zolari tomonidan taqdim etilgan daromadlar to‘g‘risidagi deklaratsiyaga muvofiq, Rossiya bosh vaziri Dmitriy Medvedev 2014-yilda 8 million rubl ishlab topgan (2013-yilda — 4,2 million rubl).
Izoh (0)