Eron tarixida ilk bor ayol kishini elchi etib tayinlash haqida qaror qabul qilindi. “Noviy vek”ning “Mehr” axborot agentligiga asoslanib xabar berishicha, Marziyo Afham hozirda Eron Tashqi ishlar vazirligining rasmiy vakili hisoblanadi.
Xabar berishlaricha, u eronlik ayollar ichida birinchi bo‘lib 2013-yilda ushbu lavozimga tayinlangan edi. Hozircha Afham qaysi mamlakatga Eron elchisi etib jo‘natilishi va uning vazirlikdagi o‘rnini kim egallashi noma’lum.
“TASS”ning qayd etishicha, Ahfam Eron Tashqi ishlar vazirligida 30 yildan beri ishlaydi, 2010-2013-yillarda u vazirlikning OAV departamentiga rahbarlik qilgan. 2013-yili vazirlik rasmiy vakili etib tayinlanishi esa Eron parlamentning o‘ta qadimchi deputatlarining keskin noroziligiga sabab bo‘lgandi.
Ma’lumot uchun, 2013-yil 3-avgust kuni Eron prezidenti vazifasini bajarishga kirishgan Hasan Ruhoniy “uning hukumatida jinsiy tahqirlashga o‘rin yo‘qligi”ni bayon qilib, vazirlardan ayollarni muhim lavozimlarga tayinlashni talab qilgandi.
Izoh (0)