Medvedev Qrimning Rossiya tarkibiga integratsiya bo‘lishi yakuniga yetganini e’lon qildi

Qrim va Qrim yarim orolida joylashgan Sevastopol shahrining Rossiya tarkibiga qo‘shilishi (integratsiyasi) umuman olganda yakuniga yetdi. Bu haqda Rossiya bosh vaziri Dmitriy Medvedev ma’lum qildi, deya xabar bermoqda “Korrespondent.net”.

Medvedevning so‘zlariga ko‘ra, 2014-yilda ko‘plab masalalarni yo‘l-yo‘lakay hal qilishga to‘g‘ri keldi, bunda masalalar orasida “Qrim Respublikasi va Sevastopolning Rossiya Federatsiyasi tarkibiga qo‘shib olishdek juda keng miqyosli va tarixda muqobili tadbir ham bor edi”.

“Bu – tengi yo‘q vazifa edi, biroq, tan olish kerak, bu vazifa umuman olganda bajarildi va bugungi kunda Moliya vazirligiga hisobdor xizmatlar va idoralar Qrimda odatdagi tartibda ishlab turibdi”, - dedi ishonch bilan Medvedev.

Eslatib o‘tamiz, avvalroq Ukraina prezidenti Pyotr Poroshenko mamlakat Xavfsizlik va mudofaa kengashi tez orada Qrimning Rossiya tarkibiga qo‘shib olinishiga aloqador Rossiya fuqarolariga nisbatan sanksiyalar ko‘lamini kengaytirishini ma’lum qilgandi.