Rossiya prezidenti matbuot kotibi Dmitriy Peskov Rossiya rahbari Vladimir Putin jurnallar, jumladan Times kabi G‘arb nashrlari reytingida yetakchilik qilishi sababini tushuntirib berdi, deb yozadi “RIA Novosti”.
“Prezident dunyodagi eng mashhur, taniqli va hurmatga sazovor siyosatchilaridan biri ekanligi aniq-ravshan ko‘rinib turgan fakt. Qator nashrlar ushbu yetakchilikni qayd etadi, bu ham ochiq-oydin fakt”, — dedi Peskov.
Eslatib o‘tamiz, Rossiya prezidenti Vladimir Putin AQShning Times jurnali tomonidan o‘quvchilari o‘rtasida o‘tkazilgan so‘rovnomada dunyoning eng katta ta’sirga ega odami deb topildi.
Putinning ushbu reytingda yetakchilik qilgani haqida avval xabar berilgan bo‘lsa ham, yakuniy natijalar endigina e’lon qilingan. Unga ko‘ra, Putin 6,95 foiz ovoz bilan birinchi o‘rinni egallagan.
Shuningdek, kuchli o‘nlikdan koreyalik xonanda Li Che Rin, qo‘shiqchilar Ledi Gaga, Rianna, Teylor Svift, Dalay lama, tinchlik bo‘yicha Nobel mukofoti sohibasi Malala Yusufzay va Rim papasi Fransisk I o‘rin olgan.
Izoh (0)