Indoneziyalik yetti yoshli Dihan Avalidan bir kunda chekadigan sigaretlari sonini 16 donagacha kamaytirdi. Bu haqda “Korrespondent.net” xabar bermoqda.
Ota-onasining so‘zlariga ko‘ra, ularning farzandi avvallari bir kunda 60 donagacha sigaret cheka olardi.
Dihanning oilasi farzandining kashandaligiga qarshi kurashish harakatida, biroq bola maktabda bo‘lgan vaqtda – u do‘stlari bilan birga sigaret chekishini nazorat qilib bo‘lmayapti.
Qayd etishlaricha, bolaning otasi ham, onasi ham hozirgi kunga qadar sigaret chekish odatini tashlagan emas.
“Agar Dihan chekmasa, yig‘lashga tushadi. Hozir u yashirincha, uy yonidagi guruch dalasiga chiqib chekmoqda”, - dedi Dihanning 32 yoshli onasi Tati.
Bolalar kashandaligiga qarshi Campaign for Tobacco-Free Kids tashkiloti ma’lumotlariga ko‘ra, Indoneziya 10 yoshgacha bo‘lgan chekuvchi bolalar soni bo‘yicha jahonda birinchi o‘rinda turadi.
Izoh (0)