Kasaba uyushmalarining da’vati bilan bir necha o‘n minglab fransuzlar Fransiya prezidenti Fransua Olland tomonidan olib borilayotgan qat’iy iqtisod siyosatiga qarshi 9-aprel kuni bo‘lib o‘tgan namoyishda qatnashishdi.
Korrespondent.net’ning xabar berishicha, mamlakatning turli shaharlarida bo‘lib o‘tgan namoyishlarda, tashkilotchilarning hisob-kitoblariga ko‘ra, 300 mingdan ortiq odam ishtirok etgan
Birgina poytaxt Parijning o‘zida 120 ming kishi ko‘chalarga chiqqani aytilmoqda, biroq politsiya ma’lumotlariga ko‘ra, namoyishda 32 mingga yaqin kishi qatnashgan, xolos.
Bundan sayyohlar jabr ko‘rishdi: namoyishda Eyfel minorasiga xizmat ko‘rsatuvchi xodimlar ham ishtirok etgani sabab, Parijning asosiy me’moriy yodgorligi mehmonlarni qabul qilishni vaqtincha to‘xtatgan.
Kasaba uyushmalarining aybloviga ko‘ra, Fransua Olland tomonidan olib borilayotgan qat’iy iqtisod siyosati mamlakatga putur yetkazadi va davlat xizmati tizimini ishdan chiqaradi.
Norozilik namoyishlari bilan bir vaqtda Fransiya bo‘ylab aviadispetcherlar va jamoatchilik radiosi xodimlarining ish tashlashlari ham bo‘lib o‘tdi.
Izoh (0)