Rasmiy Moskva totalitar kommunistik va natsistik tuzumlar targ‘iboti va ramzlarini taqiqlash to‘g‘risida Ukrainada qabul qilingan qonundan afsusda ekanligini ma’lum qildi, deya xabar bermoqda Echo.msk.ru.
Qayd etish joiz, Ukraina Oliy Radasi bu qonun bilan kommunistik tuzum ramzlarini natsistlariniki bilan tenglashtirib qo‘ydi. Rossiya parlamenti quyi palatasi vakillari ushbu hujjatni “shakkoklik” deb atashdi.
Ayni vaqtda, Kreml Ukraina prezidenti Pyotr Poroshenkoning so‘zlariga munosabat bildirdi – u Ikkinchi jahon urushi uchun Gitler ham, Stalin ham birdek javobgar ekanligi haqida fikr bildirgan edi.
Rossiya prezidenti Vladimir Putinning matbuot kotibi Dmitriy Peskovning so‘zlariga ko‘ra, “bunday bayonotlar ostida ko‘plab urush faxriylari G‘alaba kunini ko‘zda yosh bilan kutib olishadi”.
Izoh (0)