Касаба уюшмаларининг даъвати билан бир неча ўн минглаб французлар Франция президенти Франсуа Олланд томонидан олиб борилаётган қатъий иқтисод сиёсатига қарши 9 апрель куни бўлиб ўтган намойишда қатнашишди.
Корреспондент.net’нинг хабар беришича, мамлакатнинг турли шаҳарларида бўлиб ўтган намойишларда, ташкилотчиларнинг ҳисоб-китобларига кўра, 300 мингдан ортиқ одам иштирок этган
Биргина пойтахт Парижнинг ўзида 120 минг киши кўчаларга чиққани айтилмоқда, бироқ полиция маълумотларига кўра, намойишда 32 мингга яқин киши қатнашган, холос.
Бундан сайёҳлар жабр кўришди: намойишда Эйфель минорасига хизмат кўрсатувчи ходимлар ҳам иштирок этгани сабаб, Парижнинг асосий меъморий ёдгорлиги меҳмонларни қабул қилишни вақтинча тўхтатган.
Касаба уюшмаларининг айбловига кўра, Франсуа Олланд томонидан олиб борилаётган қатъий иқтисод сиёсати мамлакатга путур етказади ва давлат хизмати тизимини ишдан чиқаради.
Норозилик намойишлари билан бир вақтда Франция бўйлаб авиадиспетчерлар ва жамоатчилик радиоси ходимларининг иш ташлашлари ҳам бўлиб ўтди.
Изоҳ (0)