“Iskandar” tezkor-taktik raketa majmualari jangovar tayyorgarlik bo‘yicha kutilmagan tekshiruv chog‘ida Kaliningrad viloyatiga ko‘chiriladi, deya xabar bermoqda “TASS” Rossiya mudofaa vazirligiga tayanib.
“Iskandar” majmuasi turli xil raketalar bilan jihozlanishi mumkin. Majmuaning raketali yarog‘-aslahasi raqibning raketaga qarshi mudofaasini yengish ehtimoli yuqoridir. Raketa, ortiqcha yuk ortilgan bo‘lsa-da, manyovrlar bajara oladi va raqib uchun oldindan bilish qiyin bo‘lgan trayektoriyalar bo‘yicha uchadi.
Eslatib o‘tamiz, avvalroq Rossiya prezidenti Vladimir Putin G‘arbiy harbiy okrugning Shimoliy floti va boshqa alohida birlashmalari hamda Harbiy-desant qo‘shinlarini to‘liq jangovar shaylik holatiga keltirish haqida buyruq bergan edi.
Kutilmagan tekshiruvga 38 ming nafar harbiy xizmatchilar, 3,36 ming dona harbiy texnika, 41 ta kema, 15 ta suvosti kemasi, 110 ta samolyot va vertolyotlar jalb etildi.
Tekshiruvdan asosiy maqsad Shimoliy flotning Rossiyaning Arktikadagi harbiy xavfsizligini ta’minlash imkoniyatini baholashdan iborat.
Izoh (0)