«Искандар» тезкор-тактик ракета мажмуалари жанговар тайёргарлик бўйича кутилмаган текширув чоғида Калининград вилоятига кўчирилади, дея хабар бермоқда ТАСС Россия мудофаа вазирлигига таяниб.
«Искандар» мажмуаси турли хил ракеталар билан жиҳозланиши мумкин. Мажмуанинг ракетали яроғ-аслаҳаси рақибнинг ракетага қарши мудофаасини енгиш эҳтимоли юқоридир. Ракета, ортиқча юк ортилган бўлса-да, манёврлар бажара олади ва рақиб учун олдиндан билиш қийин бўлган траекториялар бўйича учади.
Эслатиб ўтамиз, аввалроқ Россия президенти Владимир Путин Ғарбий ҳарбий округнинг Шимолий флоти ва бошқа алоҳида бирлашмалари ҳамда Ҳарбий-десант қўшинларини тўлиқ жанговар шайлик ҳолатига келтириш ҳақида буйруқ берган эди.
Кутилмаган текширувга 38 минг нафар ҳарбий хизматчилар, 3,36 минг дона ҳарбий техника, 41 та кема, 15 та сувости кемаси, 110 та самолёт ва вертолётлар жалб этилди.
Текширувдан асосий мақсад Шимолий флотнинг Россиянинг Арктикадаги ҳарбий хавфсизлигини таъминлаш имкониятини баҳолашдан иборат.
Изоҳ (0)