Bugun, 17-mart kuni Pokiston hukumati qotillikda ayblanayotgan o‘n nafar mahbusni qatl etdi, deya xabar bermoqda “RIA Novosti” mahalliy hukumatga tayanib.
O‘n kishi — 2015-yil 10-mart kuni o‘lim jazosiga qo‘yilgan olti yillik moratoriy olib tashlanganidan buyon qatl etilganlarning eng katta sonidir.
Qamoqxona ma’muriyati ma’lum qilishicha, sudlanganlarning sakkiz nafari Panjob provinsiyasida, yana ikki nafari Karachi shahrida osilgan. Shu tariqa, dekabrdan buyon Pokistonda jami 37 kishi qatl etildi.
Eslatib o‘tamiz, 10-mart kuni Pokiston hukumati mamlakat hududida o‘lim jazosiga qo‘yilgan moratoriyni butunlay olib tashladi.
Moratoriy 2008-yilda joriy qilingan edi. 2014-yil dekabr oyida Peshovardagi maktabga uyushtirilgan terakt oqibatida 150 kishi, jumladan 134 bola halok bo‘lgach Pokiston prezidenti Navoz Sharif moratoriyni faqat terrorchilarga nisbatan olib tashlagan edi.
Shundan keyin birin-ketin Pokistonda qo‘lga olingan terrorchilarni qatl etish boshlandi.
Izoh (0)