Isroilda bugun, 17-mart kuni Knesset (Isroil parlamenti)ga muddatidan avvalgi saylovlar boshlandi, deya xabar bermoqda Meduza.
11 660 ga yaqin saylov uchastkalari mahalliy vaqt bilan 7:00 da ochildi. Isroilda 5,8 million kishi ovoz berish huquqiga ega.
Saylov uchastkalari mahalliy vaqt bo‘yicha 20:00 ga qadar ishlaydi. Uchastkalar yopilishi bilanoq Isroil OAVlari exit poll natijalarini e’lon qiladi. Ovoz berish bo‘yicha dastlabki rasmiy ma’lumotlar mahalliy vaqt bilan 21:00 da taqdim etilishi kutilmoqda.
Saylov varaqasiga 25 ta partiya va bloklar kiritilgan. Asosiy jang bosh vazir Binyamin Netanyaxuning “Likud” partiyasi va “Sionistik lager” bloki o‘rtasida bo‘lishi kutilmoqda. Ushbu blokning raisdoshlari “Avoda” yetakchisi Isxak Gersog va sobiq tashqi ishlar vaziri Sipi Livnidir.
Izoh (0)