Misrda, Luksor g‘arbida amerikalik arxeologlar taxminan 3,5 ming yillik tarixga ega, devoriy suratlar bilan bezatilgan maqbarani topdi, deya xabar bermoqda Meduza. U qadimgi Misr quyosh xudosi Amon ibodatxonasi kohini bo‘lgan atoqli kishiga tegishli bo‘lgan.
Tadqiqotchilar maqbaraga dafn etilgan kishining ismi Amenxotep ekanligini aniqladi — bu devorga o‘yib yozilgan edi. Ba’zi qismlari juda yaxshi saqlanib qolgan rangli devoriy suratlarda uning rafiqasi bilan xudolarga hadyalar tortiq qilayotgani tasvirlangan.
Devordagi xudo Amonning surati esa fir’avn Exnaton hukmdorligi davrida (eramizdan avvalgi 1375—1336-yillar) ataylab yo‘q qilingan.
Maqbaraga dafn etilgan kohin Qadimgi Misrning XVIII sulolasi davri (eramizdan avvalgi 1550—1292-yillar)da yashagan. Ushbu sulola vakillaridan biri fir’avn Exnaton yagona xudo — Aton xudosiga sig‘inishni joriy qilib, qolgan xudolarga sajda qilishni taqiqlagan.
Izoh (0)