Ukraina prezidenti Pyotr Poroshenko 4-martda Donetskdagi Zasyadko nomli konda bo‘lib o‘tgan portlash munosabati bilan 5-martni motam kuni deb e’lon qildi. Bu haqda davlat rahbari matbuot xizmatiga tayanib, “Korrespondent.net” xabar berdi.
Nashrning eslatishicha, 4-mart kuni ertalab Donetskdagi Zasyadko konida portlash ro‘y berdi. Halok bo‘lganlarning aniq soni noma’lum, konni ayirmachilar o‘rab olgan.
Oliy Rada Spikeri Vladimir Groysman avvalroq 32 konchining vafoti haqida xabar qilgan edi. Konchilar kasaba uyushmasi raisi Mixail Volinets esa 77 kishi halok bo‘lganini aytdi. Donetsk shahar ma’muriyati ma’lumotiga ko‘ra, 157 nafar konchi qutqarilgan.
Izoh (0)