Eron oliy rahbari oyatulloh Ali Xomeney bu haqda ovoza qilmasdan turib, AQSh prezidenti Barak Obamaga maktub jo‘natdi, deb yozadi Interfax Amerikaning The Wall Street Journal gazetasiga tayanib.
Nashr ma’lumotlariga ko‘ra, oyatulloh Xomeneyning xati o‘tgan yil oktabrida Obamaning unga yozgan maktubiga javob sifatida yuborilgan.
WSJ’ning ismini oshkor qilmagan diplomatga tayanib yozishicha, Eron rahbarining xatida hurmat shakli saqlab qolingan, biroq unda hech qanday majburiyatlar tilga olinmagan. Uning ta’kidlashicha, maktubda gap, xususan, AQShning o‘tgan 60 yil davomida Eronga qilgan hujumlari haqida boradi.
Na Oq uy va na Eron hukumati ikki mamlakat yetakchilari o‘rtasidagi yozishmalar faktini tasdiqlagani yo‘q.
Izoh (0)