Minsk muzokaralarida “Rossiya 24” telekanali jurnalistining og‘zini to‘g‘ri ma’noda yopib qo‘yishdi. Ushbu voqea aks etgan videolavha YouTube’ga joylandi.
Ukraina prezidenti Pyotr Poroshenko jurnalistlar yonidan o‘tib ketayotganida, ulardan biri unga savol berishga chog‘lanadi va jumlaning bir qismini aytishga ham ulguradi. Biroq soqchilardan biri jurnalist ayolga yaqinlashib, uni jim qilish uchun “bag‘riga bosadi” va prezident uzoqlashmaguncha qo‘yib yubormaydi.
Eslatib o‘tamiz, Minskda Fransiya, Germaniya, Rossiya va Ukraina rahbarlari ishtirokida “normandcha format”dagi muzokaralar 16 soat davom etdi va yakunda “Minsk kelishuvlarining bajarilishi bo‘yicha choralar majmuasi” nomli hujjat imzolandi.
Izoh (0)