Минск музокараларида «Россия 24» телеканали журналистининг оғзини тўғри маънода ёпиб қўйишди. Ушбу воқеа акс этган видеолавҳа YouTube’га жойланди.
Украина президенти Пётр Порошенко журналистлар ёнидан ўтиб кетаётганида, улардан бири унга савол беришга чоғланади ва жумланинг бир қисмини айтишга ҳам улгуради. Бироқ соқчилардан бири журналист аёлга яқинлашиб, уни жим қилиш учун «бағрига босади» ва президент узоқлашмагунча қўйиб юбормайди.
Эслатиб ўтамиз, Минскда Франция, Германия, Россия ва Украина раҳбарлари иштирокида «нормандча формат»даги музокаралар 16 соат давом этди ва якунда «Минск келишувларининг бажарилиши бўйича чоралар мажмуаси» номли ҳужжат имзоланди.
Изоҳ (0)