Joriy yilning 26-yanvaridan Euronews telekanali City-tour turkumida Toshkentga bag‘ishlangan ko‘rsatuv namoyishini boshladi, deb xabar bermoqda “O‘zbekturizm” milliy kompaniyasi.
Ko‘rsatuvda Toshkentni o‘z ichiga olgan Buyuk Ipak yo‘li, shaharning qadimiy diqqatga sazovor joylari, jumladan, Hazrati Imom maydoni, Baroqxon madrasasi, Tillashayx masjidi va boshqa me’morchilik obidalari haqida hikoya qiladi. Euronews uslubiga binoan, Toshkentning zamonaviy qiyofasi, afsonaviy tarixiy inshootlari, boy madaniy hayoti namoyish etiladi.
Eslatib o‘tamiz, Euronews telekanalida O‘zbekistonning Samarqand, Buxoro va Xiva shaharlari haqidagi ko‘rsatuvlar namoyish qilingan edi.
Izoh (0)