Buyuk Britaniyaning O‘zbekistondagi elchixonasi internet-OAVlarning Britaniya O‘zbekiston Mudofaa vazirligiga 700 ming dollarlik 3000 ta transport vositasi yetkazib berishi haqidagi xabarlarini rad etdi, deya xabar bermoqda “Gazeta.uz”. Bunday xabarlar Britaniya elchisi Jorj Edgarning 23-yanvardagi matbuot anjumanidan so‘ng paydo bo‘lgan edi.
“Buyuk Britaniyaning O‘zbekistondagi elchisi janob Jorj Edgarning go‘yoki jurnalistlar bilan suhbat chog‘ida aytgan so‘zlariga tayanib berilgan ushbu xabar boshqa mahalliy va xorijiy OAVlar tomonidan ko‘chirib yozildi”, — deyiladi diplomatik vakolatxona matbuot xizmati xabarida.
“Elchixona matbuot xizmati matbuot anjumani chog‘ida ham, jurnalistlar bilan alohida suhbatda ham, elchi Edgar Britaniya tomonining O‘zbekiston Mudofaa vazirligiga qo‘shimcha Britaniya harbiy texnikasini, jumladan yuqorida keltirilgan 3000 ta transport vositasini yetkazib berish bo‘yicha hech qanday rejalari haqida aytmaganligini ma’lum qiladi. Ushbu ma’lumot noto‘g‘ri va haqiqatga to‘g‘ri kelmaydi”, — deya ta’kidlanadi xabarda.
Izoh (0)