18—23-yanvar kunlari Koreya Respublikasining Ewha Womans University gospitali malakali shifokorlari tomonidan Respublikamizning bir necha hududlarida aholi umumiy chuqurlashtirilgan tibbiy ko‘rikdan o‘tkaziladi. Bu haqda “Sog‘lom avlod uchun” jamg‘armasi rasmiy sayti xabar bermoqda.
23 nafar professorlar — gemotolog, kardiolog, terapevt, otolaringolog, pediatr, stomotolog, shuningdek terapevt, farmatsevt, tibbiyot hamshiralari, talabalar va volontyorlardan iborat Ewha Womans University gospitali vakillari tomonidan 19—20-yanvar kunlari Fond Tibbiy-ijtimoiy markazi (Toshkent shahri Sh.Rashidov ko‘chasi 94a-uy)da soat 09:00 dan 17:00 gacha, 21-yanvar kuni Toshkent viloyati O‘rta Chirchiq tumani bolalar shifoxonasida soat 09:00 dan 17:00 gacha hamda 23-yanvar kuni Toshkent viloyati Yuqori Chirchiq tumani “Ariran” qariyalar uyida soat 09:30 dan 16:00 gacha aholi umumiy chuqurlashtirilgan tibbiy ko‘rikdan o‘tkaziladi.
Tibbiy ko‘rikdan o‘tganlarga xorijlik mutaxassislar o‘zlari bilan olib kelgan dori-darmon va sanitariya-gigiyena vositalarini bemorlarga bepul tarqatadi.
Izoh (0)