Ўзбекистон Республикаси Давлат солиқ қўмитасининг Ҳайъат йиғилиши бўлиб ўтди, дея хабар бермоқда Давлат солиқ қўмитаси ахборот хизмати. Унда Қорақалпоғистон Республикаси, вилоятлар ва Тошкент шаҳар давлат солиқ хизмати органлари ҳамда тизим таркибига кирувчи таълим муасасасалари ва марказлар раҳбарлари иштирок этди.
Йиғилишда Давлат солиқ хизмати органларининг ўтган йилги фаолиятида йўл қўйилган камчиликлар ва уларнинг бартараф этилиши аҳволи, солиқлар йиғилувчанлигини ошириш, солиқ қарзи ва ортиқча тўловни қисқартириш борасидаги ишларнинг натижадорлиги юзасидан Андижон, Наманган, Жиззах, Сирдарё ва Қашқадарё вилоятлари давлат солиқ бошқармалари раҳбарларининг ҳисоботлари эшитилди.
Муҳокама натижалари бўйича, марказий аппарат тузилмалари ва ҳудудий давлат солиқ хизмати органлари раҳбарларининг фаолиятида жиддий камчиликларга йўл қўйганлиги учун 2 нафари эгаллаб турган лавозимидан озод этилди ва 31 нафарига тегишли интизомий жазо чоралари қўлланилди.
Якунда давлат солиқ хизмати органлари зиммасига юклатилган долзарб вазифаларни сифатли бажариш юзасидан тегишли қарорлар қабул қилинди.
Изоҳ (0)