Indoneziya hukumati Braziliya va Niderlandiyaning afv etish to‘g‘risidagi so‘rovlarini e’tiborga olmagan holda olti nafar mahkumni narkotiklar bilan bog‘liq jinoyatlar uchun qatl etganidan so‘ng ular Indoneziyadan o‘z elchilarini chaqirib oldi, deb yozadi “RBK”. Bu Indoneziya prezidenti Joko Vidodo hukmronligidagi ilk qatllardir.
Mahkumlar Nigeriya, Malavi, Vyetnam, Niderlandiya, Braziliya va Indoneziya fuqarolari bo‘lgan. Ular 18-yanvarga o‘tar kechasi otib tashlandi.
“Jahon hamjamiyati bora-bora tez-tez qoralayotgan o‘lim jazosining qo‘llanilishi mamlakatlarimiz aloqalariga katta ta’sir o‘tkazadi”, — deyiladi Braziliya prezidenti bayonotida.
“Bu shafqatsiz va vahshiyona jazodir, u insoniy qadriyatlar va daxlsizlikni inkor etadi”, — deya ta’kidladi Niderlandiya tashqi ishlar vaziri.
Izoh (0)