Bosh vazir Qirg‘izistonni xushmuomala kishilar mamlakatiga aylantirmoqchi, deb yozadi “24.kg” Jumart Otarboyev bayonotiga tayanib.
Hukumat rahbari uni Yo‘l-patrul xizmati xodimlari bilan bog‘liq hodisalar g‘azablantirganini aytdi. “Hali-hamon fuqarolarga nisbatan qo‘pollik va surbetlik kuzatilmoqda. Shundog‘am odamlarning militsiyaga nafrati cheksiz, YPX esa eng ko‘p malomatga qolmoqda. Bir kun avval YPX rahbariyati bilan uchrashib, ularga OAVdan avtoinspeksiya xodimlari xatti-harakatlarini kuzatishni so‘rashimni aytdim. Davlat organi tomonidan qo‘pollikka uchragan kishi OAV orqali najot topishi lozim”, — dedi u Qirg‘izistondagi OAVlar rahbarlari bilan o‘tgan uchrashuvda.
Bosh vazir ikki tomonlama kommunikatsiya aloqasi bo‘lishi lozimligini qo‘shimcha qildi. “Biz xushmuomala kishilar mamlakatini yaratishimiz lozim. Biz OAVlardagi barcha xabarlarga javob qilamiz”, — dedi u.
Izoh (0)