Kolumbiyaning Libano shahrida yashovchi qizaloq Xuanita Valentina Ernandes o‘n oylik vaqtida 20 kilogramm vazn to‘pladi, bu besh yoshli bola uchun me’yordagi og‘irlikdir, deb yozadi “Korrespondent.net”.
Ta’kidlanishicha, qizcha tug‘ilganida og‘irligi 2,7 kilogrammni tashkil etgan, biroq bir necha haftadan so‘ng u jadallik bilan vazn yig‘a boshlagan. Qizning onasi hech qayerda ishlamagani sababli bolasi davolanishi uchun pul topib bera olmasligini aytmoqda.
Xuanitaning ota-onasiga ko‘maklashayotgan mahalliy xayriya fondi rahbari Tem Fray so‘zlariga ko‘ra, semizlikka irsiy kasalliklardan biri sabab bo‘lgan bo‘lishi mumkin, biroq shifokorlar qizchaga aniq tashxis qo‘ya olmayapti.
O‘tgan oy Xuanitani Bogotadagi klinikaga davolanish uchun jo‘natishdi. Ta’kidlanishicha, yaqin orada qizning semizligi sababi aniqlanmasa, unda yurak xastaligi va qandli diabet yuzaga kelishi mumkin.
Izoh (0)